شيفرة دافنتشي

في روايات بتقراها وتستمتع بيها، وفي روايات بتشدك من أول صفحة وتخليك مش قادر تسيبها، و"شفرة دافنشي" من النوع التاني بإمتياز..!!

أول ما بدأت الرواية كنت متوقعة قصة غموض عادية، لكن اللي حصل إنها اخدتني في رحلة مليانة ألغاز وأسرار ومفاجآت و صدمة ورا صدمة. كل ما كنت أوصل لإجابة، ألاقي سؤال أكبر مستنيني، وده خلاني طول الوقت عايزة أعرف إيه اللي هيحصل في الفصل اللي بعدو.

لكن بما انها كانت اول رواية اقراها لـدان براون حبيت الطريقة اللي قدر بيها يخلط بين التاريخ والفن والتشويق بطريقة ذكية جدًا. الأحداث سريعة ومفيش ولا لحظة ملل، وكل فصل بيخلص بشكل يخليك في صدمة و من سرعة الأحداث فجأة تلاقي نفسك خلصت عدد كبير من الصفحات بدون ما تحس و دي تعتبر حاجة عبقرية جداً من جهة الكاتب.

من وجهة نظري سواء كنت بتحب روايات الغموض أو التشويق أو حتى القصص اللي بتخليك تفكر وتربط الأحداث بنفسك أو لأ لاااااااازم تقرأ الرواية دي لانها حتخليك تتمنى تفقد الذاكرة عشان ترجع تقراها للمرة الأولى من جديد. بالنسبة ليا كانت تجربة ممتعة ومختلفة، ومن الروايات اللي حفضل فاكرة تفاصيلها و احداثها لفترة طويلة جداً و اللي كمان ح ارشحها لكل محبي الجريمة و الغموض و التشويق و الاثارة و الألغاز.

ولو لسه ما قرأتو "شفرة دافنشي"، فممكن تكون المراجعة دي فرصتكم إنكم تبدأو واحدة من أشهر روايات التشويق والغموض في العالم ❤

مكتبة رائعة وموثوقة، أنصح بها والتوصيل سريع حتى لغير البلدان.

أعجبني كثيرا ❤️

دان براون تميّز في رواياته بأنه يدمج ما بين أسس علمية وخرافات مبنيّة على نظريّات مؤامرة يصعب اثباتها

الرواية تتناول فكرة الدين المسيحي وتتجرأ بالتصريح بأن ما فيها قادر على قَلب أساس الدين المسيحي رأس على عَقب

طبعاً بخلاف مدى صحة المذكور بالرواية.. دان براون يعرف كيف يكتب رواية بوليسية.. ودايماً رواياته فيه فائدة علمية عظيمة جداً.. وانكشافات بالحبكة تؤدي غالباً إلى صدمة وشعور بالنشوة بعد طول قراءة