الخروج عن النص من جديد

فيه ميراث بيتم توزيعه وقت الولادة...
بمجرد ما حضرتك تتولد.. بتبدأ فى استلام تركة ثقيلة و ممتدة من كل أجيال أسرتك، دول يسلموك مخاوفهم.. ودول يسلموك نقط ضعفهم.. و دول يسلموك نصوص حياتية معدة مسبقاً..

إحنا محتاجين نقف وقفة حاسمة و جادة.. نراجع فيها كل ما تسلمناه.. محتاجين نخرج عن النص.. و نبدأ في الكتابه من جديد.. بأقلامنا نحن..

في الباب الأول من كتاب (الخروج عن النص من جديد)، هنعرف إيه حدود نفسية..
وإيه هي نفسك الحقيقية و نفسك المزيفة.. و ليه بنكرر أحياناً نفس الغلطة.. هنتعلم عن المواقف غير المنتهية.. و المشاعر اللي بنحسها.. بس هي في الحقيقة مش مشاعرنا..
هانكتشف أزاي ممكن نكون عايشين نصف حياة... وإيه الأدوار اللي بنلعبها في سيناريوهات حياتنا..

في الباب الثاني ..هانتكلم عن الصوت الداخلي اللي بيطلع من جوانا، و يفسد علينا طعم كل شيء..
هانستعرض بالأمثلة بعض القررات اللي بناخدها و احنا صغيرين، و اللي بتتغير معاها حياتنا للأبد..

هنتكلم عن الانتحار.. وإيه معنى إن حد يقرر ينهي حياته..
هانشوف الخوف من الهجر و الوحدة ممكن يعمل إيه فى أصحابه..
هنفهم اختياراتنا بتقول عننا إيه.. و هنعرف إزاي مانخليش احتياجاتنا تبهدلنا..

ياللا بينا نخرج عن النص.. في اتجاه النور.. في اتجاه الحياة.. 

كلمات البحث : خروج - نص - الجديد - محمد - طه